Erdogan: Turqia nuk do të ulet kurrë në tryezë me një organizatë terroriste

Presidenti i Turqisë, Recep Tayyip Erdoğan, ka deklaruar se nuk synon tokat e asnjë shteti, lirinë apo interesat e asnjë populli.

Gjatë fjalimit në TRT World Forum 2019, Erdogan u shpreh se gjatë periudhës 17-18 vjeçare që ai ka në pushtet, Turqia asnjëherë nuk është ulur dhe nuk do të ulet në tryezë me një organizatë terroriste.

“Çdokush mund të gjendet në Siri, Irak, Afganistan, Libi, Afrikë, Ballkan me qëllime të tjera. Turqia është atje vetëm për shkak të unitetit të fatit që ka me vëllezërit e saj. Ky është një virtyt i madh që nuk mund ta kuptojnë ata që “një pikë nafte e shohin më të vlefshme se sa një pikë gjak”, tha presidenti turk, raporton Anadolu Agency (AA).

Ndër të tjera, Erdogan bëri thirrje për ristrukturimin e institucioneve kryesore të sistemit global, përfshirë këtu edhe Kombet e Bashkuara (OKB).