Gjashtë shqiptarë janë dënuar ditën e sotme me 5 vite e 5 muaj burg në total nga një gjykatë angleze.
Ata akuzohen për përfshirje në kultivimin e kanabisit. Të dënuarit janë Xhuljano Bircaj, 28; Glen Rami, 28; Ervin Bajraktari, 31; Besmir Bajraktari, 32; Enea Sela, 24 dhe Andi Sela, 31.
Atyre iu kapën më shumë se 500 rrënjë kanabis me vlerë mbi 500.000 stërlina. Prokurori i çështjes tha se ata kishin shndërruar një ndërtesë me kushtet e duhura për të kultivuar kanabis.
Shqiptarët kishin hyrë ilegalisht në Angli përmes kamionëve, ndërsa ata janë shprehur se u përfshinë në këtë biznes për të shlyer shumën që kishin paguar për të hyrë me kamion në vend.
