Një zjarr i madh ka përfshirë sot zonën pyjore në Malaj të Mirditës, ku zjarrfikësit janë angazhuar prej dy orësh në përpjekje për të kontrolluar flakët.
Terreni i vështirë dhe era e fortë po pengojnë ndërhyrjen e tyre, ndërsa dyshohet se zjarri është i qëllimshëm.
Ndërkohë, një vatër tjetër zjarri u raportua gjatë ditës në Karbunarë, ku flakët kanë përfshirë plantacione me agrume dhe ullishte, duke djegur edhe magazina të vogla fermerësh për shkak të erës së fortë.
