Policia ndaloi ditën e sotme një traget me mbetje të konsiderueshme amianti, mbetje e rrezikshme për shëndetin e njeriut dhe mjedisin e ndaluar me ligj në Shqipëri.
Sipas policisë trageti vinte nga Brindisi i Italisë, me qëllim për të depozituar lëndët e rrezikshme në vendin tonë.
Amianti është një fibër natyrale që përdoret për ndërtime, por mjaft i rrezikshëm për shëndetin. Për këtë arsye kjo lëndë është rreptësishtë e ndaluar dhe me ligj në Shqipëri, Evropë e më gjerë.
Amianti, një ndër shkaktarët kryesorë të sëmundjeve kancerogjene, është përdorur për të ndërtuar kryesisht tavane të vjetra, apo izolime termike apo kundërzjarr, por tashmë është i ndaluar me ligj.
Në lidhje me këtë ngjarje policia arrestoi 6 shtetas, të gjithë banues në Vlorë. Report Tvka bërë të mundur identifikimin e këtyre personave:
Kujtim Xhafellari 65 vjeç banues në Vlorë – Zëvendës kapiten i tragetit S.T.DAMIAN
Arber Cuni, 28 vjeç, banues në Vlorë – Shoferi i fugonit tip Iveko , me targe AA 417 SC
A.B, 48 vjeç, banues në Vlorë – Drejtori operativ i një agjencie tragetesh
Festim Tafa, 72 vjeç banues në Tiranë – Kapiteni i tragetit S.T.DAMIAN.
Elisabeta Cuni, 55 vjeç, banuese në Vlorë – Administratore e firmës së pastrimit “Delfini 1”.
Zamir Kornuzi, 46 vjeç, banues në Vlorë – Pronari i pikës së grumbullimit firma “Kornuzi”
