Operacioni i kryer sot në Elbasan nga Policia e Shtetit, nuk ka lidhje me grabitjen në Rinas! Kështu konfirmojnë burime pranë Policisë së Shtetit për redaksinë e Tirana Today.
Pak më parë, në media u raportua se është arrestuar një ish-polic në Elbasan, i cili ka lidhje me grabitjen e së martës ku u morën miliona euro. Por, në fakt sipas burimeve nga Policia e Shtetit, ky është një operacion që nuk ka lidhje me super grabitjen në Rinas, duke e përgenjeshtruar lajmin në fjalë.
Ende nuk kemi një deklaratë zyrtare për operacionin e sotëm, për të cilin raportohet se është sekuestruar një sasi lëndësh narkotike.
Grabitja spektakolare ndodhi të martën rreth orës 15:00, ku u vodhën miliona euro, ndërsa Policia e Shtetit është treguar mjaft e rezervuar në dhënien e informacioneve, teksa ende po vijon punën për kapjen e autorëve. Për rrjedhojë, nuk kemi ende një deklaratë zyrtare me numrin e saktë të personave të përfshirë në grabitje dhe as të eurove të grabitura në avionin e linjës Tiranë-Vjenë./ Tirana Today
