Mediat italiane kanë zbuluar detaje të reja nga udhëtimi në Londër i Drejtorit Sportiv të Interit, Piero Ausilio, i cili ndoqi nga afër sfidën mes Tottenhamit dhe Manchester City-t.
Kështu përveç mesfushorit turko-gjerman të City-t, Yilkay Gundogan, i cili është në krye të listës së dëshirave, Ausilio ka pasur edhe një takim me drejtues të Arsenalit.
“Njeriu i merkatos” në shtëpinë zikaltër ka kërkuar informacione për mesfushorin Granit Xhaka, i cili luan te Arsenali që prej vitit 2016 dhe është shndërruar në një titullar fiks.
Sipas Corriere Dello Sport, drejtuesit e Interit vlerësojnë Xhakën për moshën e tij, pasi është vetëm 26 vjeç, por edhe për eksperiencën e madhe ndërkombëtare. Zikaltërit kanë pasur në përbërje edhe një shqiptar tjetër që aktivizohet me kombëtaren e Zvicrës, Xherdan Shaqirin. Ky i fundit u prit me bujë në kapin e Interit, po nuk arriti të shkëlqejë pasi iu bashkua italianëve në momentin e gabuar, kur po kalonin një krizë.
Krahas Xhakës, Interi ndjek me interes edhe mesfushorin e Cagliarit, Nicolo Barrella dhe atë të Romës, Lorenzo Pellegrini, por të dy këta nuk kanë eksperiencën e shqiptarit që përfaqëson ngjyrat e Zvicrës.
