Është zhvilluar sot dita e dytë e protestës së opozitës. Ndryshe nga dita e shtunë, sot protestuesit ishin përballë Parlamentit. Për afro dy orë deputetët e opozitës kanë mbajtur fjalime përballë mijëra protestuesve. Teksa gjatë protestës së 16 shkurtit tensionet dhe episodet e dhunës ishin kryefjala, këtë radhë gjërat ishin ndryshe. Vetëm me një moment kur një grup shashka e flakadanë në oborrin e parlamentit, por u penguan nga kordoni i policisë.
Më pas opozita së bashku me protestuesit janë nisur drejt Kryesisë së Kuvendit, ku zyrtarisht kanë dorëzuar mandatet. Këto të fundit janë shoqëruar me ovacionet shumta nga qytetarët. Kreu i Partisë Demokratike Lulzim Basha shoqëruar e ka mbyllur protestën në selinë blu duke kënduar himnin kombëtar.
Deputeti Edi Paloka në një prononcim për Tirana Today zbulon planin e opozitës. Duke bërë me dije se ky është vetëm fillimi dhe se do të vazhdohet me të tjera protesta.
“Ndjehem si gjithmonë edhe tani që nuk jam më deputet. Gjithmonë kemi përfaqësuar njerëzit. Dhe sot më shumë se kurrë jemi duke e bërë këtë gjë. Ne me Partinë Socialiste nuk kemi asnjë problem.
E kemi me ata që përfaqëson Edi Rama dhe jo thjesht me Ramën. Me krimin që sot ka marr në dorë shtetin dhe që përfaqësohet vetëm nga Edi Rama. Sigurisht që do të vazhdojmë me protesta, ne sapo kemi filluar.”/TIRANA TODAY
