E ngarkuara me punë e SHBA-ve në Tiranë, Leyla Moses-Ones, ka nisur një takim me kreun e shtetit, Ilir Meta në Presidencë.
Takimi mes palëve vjen në kulmin e një përplasje të fortë politike në Shqipëri midis kryeministrit Rama, dhe Presidentit të Republikës Ilir Meta, pas shtyrjes së zgjedhjeve të 30 qershorit nga kreu i shtetit.
Sot në Kuvend, në orën 12:00, Edi Rama ka lajmëruar se do të flasë për këtë çështje, ndërkohë që PS ka paraqitur një mocion dhe rezolutë kundër Presidentit.
Po sot, në orën 17:00, Presidenti Ilir Meta ka njoftuar mbajtjen e një konference shtypi.
