Ish-kryeministri i Kosovës, Ramush Haradinaj ka reaguar pas deklaratave të kryeministrit Rama kundër tij.
Përmes një postimi në Facebook, Haradinaj thotë se Rama është i frustruar, pasi sipas tij i ka prishur për Serbinë e Madhe.
Haradinaj vijon me akuzat e tij, teksa shprehet se kreu i qeverisë shqiptare po zbaton këshillat që Lavrov i dha në takimin në Moskë.
Ish-kryeministri i Kosovës shprehet se shpreson që Kurti nuk do ta heqë taksën ndaj Serbisë, derisa kjo e fundit ta njohë pavarësinë e vendit.
Postimi i plotë:
I kuptueshëm frustrimi i Edi Ramës ndaj meje. E di që nuk ma fal dot që ia prisha planin serbomadh.
Edi Rama pas kthimit nga Moska, vepron pa humbur kohë në zbatimin e këshillave të Lavrovit.
Uroj që Kryeministri Kurti të vazhdojë rrugën time të bllokimit të shtegut të Edi Ramës e të tjerëve për copëtimin e Kosovës dhe fuqizimin e Serbisë e Rusisë në rajonin tonë, duke mbajtur taksën deri në kontratën finale për njohje. Të tjerat janë tashmë histori.
