Kreu i Shtetit, Ilir Meta, i bëri thirrje popullit që në 2 mars të dalë në bulevardin “Dëshmorët e Kombit”, kundër asaj që e quan ‘grusht i shtetit’. Meta tha se më 2 mars do të firmosë dekretin e parë përballë popullit në bulevard, për të shpartalluar grushtin e shtetit. Lidhur me qëndrimin e Metës, deputeti Kujtim Gjuzi është shprehur se do të votojë pro shkarkimit të presidentit. I ftuar në emisionin “45 minuta”, Gjuzi tha se Meta po bën thirrjet për dy mars vetëm për të përçarë popullin shqiptar.
“Ai duket sikur është i dehur gjithë kohës, pasi është edhe nga një vend ku rakinë e bëjnë edhe shumë të mirë. Unë do të votoj pro shkarkimit të Ilir Metës.
Nëse ai nuk jep dorëheqjen, nëse ai e jep vetë, kjo gjë i jep mundësi që ai të drejtojë vetë atë parti që e ka krijuar vetë. Ky është edhe flori komplet, të japë njëherë llogari për thesarin e Krrabës.
Unë jam nga kundërshtarët e hershëm të Ramës. Po ai pavarësisht se është i gjatë dhe është marrë me sport, kur e shikon që s’ia del dot qëndron aty spektator, nuk vepron. Rama është inteligjent dhe ka lexuar. Ai tani thotë, me kë do merem unë tani”, tha Gjuzi.
