Drejtonin makinën në gjendje të dehur, arrestohen dy persona në Lushnje

Policia ka arrestuar në flagrancë dy persona në Lushnje, pasi janë kapur duke i drejtuar makinën në gjendje të dehur.

Në pranga kanë rënë shtetasit Xh.H., 24 vjeç i cili u arrestua tek rreth rrotullimi i Grabianit dhe shtetasi A.B., 42-vjeçar nga Golemi.
Ndërkohë edhe në Fier është proceduar penalisht një 45-vjeç nga Tirana, pasi u kap duke drejtuar nën ndikimin e alkoolit.

Njoftimi i policisë:

Kontrolle nga Policia Rrugore për evidentimin dhe ndëshkimin e atyre që drejtojnë mjetin në gjendje të dehur apo pa leje drejtimi.

Arrestohen në flagrancë 2 shtetas si edhe procedohet penalisht një tjetër pasi u kapën duke drejtuar automjetet në gjendje të dehur.

Specialistët e Sektorit të Qarkullimit Rrugor në DVP Fier, arrestuan në flagrancë shtetasit:

  • Xh.H., 24 vjeç, banues në Lushnjë.
    Arrestimi i këtij shtetasi u bë pasi në vëndin e quajtur  “Rrethrrotullimi i Grabianit”, Lushnje, u kap duke drejtuar në gjendje të dehur automjetin tip “Benz”.
  • A.B., 42 vjeç, banues në Golem, Lushnjë.
    Ky shtetas u kap nga shërbimet e policisë duke drejtuar automjetin tip “Ford Fokus”, në gjendje të dehur.
  • Gjithashtu u procedua penalisht shtetasi N.Ç., 45 vjeç, banues në Tiranë, pasi në qytetin e Fierit u kap duke drejtuar nën ndikimin e alkolit automjetin tip “Ford”.

Kontrollet e Policisë do të vijojnë edhe në ditët në vazhdim, me qëllim rritjen e parametrave të sigurisë në rrugë.