Manastirliu: Shkon në 773 numri i rasteve me koronavirus në Shqipëri

Ministrja e Shëndetësisë dhe e Mbrojtjes Sociale, Ogerta Manastirliu bëri me dije se janë konfirmuar edhe shtatë raste të reja me koronavirus në vend.

Gjatë fjalës së saj në Kuvend, Manastirliu tha se në Shqipëri janë shënuar gjithsej 773 raste me COVID-19, pra 7 më shumë nga numri i raportuar dje nga Ministria e Shëndetësisë.

Gjithashtu ajo deklaroi se numri i të shëruarve ka shkuar në 470, 15 më shumë nga cfarë janë raportuar dje.

“Masat kanë dhënë rezultat për mos pasur indicident në grupet e riskuara. Nga gjithë kjo fazë nuk kemi shkuar ende në fund të saj por tek grupet e riskuara kemi bërë përpjekje maksimale. Qoftë të moshuarve, grupeve vulnerabël apo mjekët dhe infermierët.

Ne sot kemi 272 persona aktivë ndër 773 raste pozitive dhe 470 të shëruar.
Do të thotë që jemi ende në fazë aktive të epidemisë. Edhe pse po bëjmë hetime aktive aty ku ka vatra. Sot konstatojmë 100 vatra aktive kryesisht familjare dhe në punë. Por në terren po bëjmë gjurmim pa ndërprerje 24 orë të ditës që të ndërpresim zinxhirin e kontakteve. Kjo punë nuk shquhet nga të tërë por puna që po bëhet është fantastike e mjekëve, infermierëve, urgjencës. Jo të gjithë ja kanë dalë me sukses në këtë situatë.
Faza e parë ka kaluar. Jemi drejt rihapjes. është konsultuar me ekspertë të huaj dhe vendas. Nuk duhet të ulim masën e distancimit social. Duhet të matemi për masat menjëhershme. Janë hapur disa biznese për të vlerësuar në 2-javëshin që vijon kurbën epidemiologjike, rastet në spitale dhe në gjithë ato struktura të sistemit që afektohen nga rihapja.
Për të mundësuar qytetarët që në fazën e epidemisë kanë pasur masa administrative t’i falen ato. Pra të gjitha masat në Kodin Penal mos afektojnë menjëherë qytetarët. Ndërgjegjësimi që bëhet nëpërmjet Kodit Penal mos afektojë menjëherë qytetarët. Propozojmë që autoritetet kontraktorë të referon drejt Agjencisë së Blerjes së Përqendruar”, tha ajo.

Lexo edhe :   Koronavirusi, 148 raste të reja dhe 6 viktima në 24 orët e fundit

Ndërkohë në minutat në vijim, përfaqësues të Ministrisë së Shëndetësisë pritet të dalin në një deklaratë për mediat, ku do të tregojnë me detaje për bilancin gjatë 24 orëve të fundit.

Deri më tani, koronavirusi i ka marrë jetën 31 personave në Shqipëri. Viktima e fundit u shënuan mbrëmjen e djeshme në spitalin “Shefqet Ndroqi”. Sipas MSH, bëhej fjalë për të moshuarin me iniciale B.S., 71 vjeç nga Shkodra, i cili kishte edhe sëmundje të tjera shoqëruese.