Ish-ministri i Drejtësisë, Ylli Manjani është shprehur se “Dosja 184” u shkatërrua që në momentin që materialet e audio-përgjimit u publikuan në media.
Përmes një postimi në Facebook, Manjani thotë se nxjerrja në publik e këtyre materialeve i dha fund mundësisë për një hetim profesional. Sipas tij, fajtor në këtë rast nuk është ‘Bild’që publikoi përgjimet, por personi që ia ofroi medias ato.
Postimi i plotë:
Dosjen 184 e ka shkatërruar ai/ajo që i dha medias materialet audio-përgjimit.
Pa asnjë dyshim që është kështu!
Por nuk është faji i medias,dmth i BILD! Absolutisht jo! Përgjegjësia duhet kërkuar tek ai/ajo që i ofroi materialet për publikim.
Nxjerrja në publik praktikisht e shkatërroi mundësinë për hetim profesional. Ndaj sot prokuroria e gjykata, cilado qoftë, nuk ka ça të bëjë.
As SPAK nuk ka ç’ti bëjë më!
Pyetja reale mbi këtë çështje është kush në Prokurorinë e Përgjitshme ose Ministrinë e Brendshme (ty dyja kanë akses në serverin e përgjimeve) e ka bërë këtë gjë?!
Hetimi që u çel për këtë gjë, nuk dëgjuam të kishte ndonjë rezultat. Zakonisht kur has sharra në gozhdë, kështu ndodh…
Logjika ta do që nxjerrjen e audio-përfjimeve në publik ta ketë bërë dikush, që ka dashur ti “mbrojë ligjërisht” qoftë edhe duke i sulmuar publikisht personazhet e rënë në grackën e përgjimeve.
Këtë bindje kam duke patur parasysh mënyrën sesi funksionon teknikisht procedura e përgjimeve, por edhe interesat e palëve në këtë proces.
