Shqiptarët e Maqedonisë kanë fituar terren kohët e fundit, teksa të shumtë kanë qenë futbollistët e talentuar që kanë veshur fanellën e ekipeve kombëtare shqiptare.
LEXO EDHE : Lojtarët e Maqedonisë bëjnë xhiron e rrjetit, festojnë golin me valle … shqiptare (Video)
Kombëtarja shqiptare në disa raste ka humbur disa talente mjaft të mirë, pasi interesi i treguar nga përgjegjësit nuk ka qenë i duhuri. Një emër që FSHF ka gabuar më shumë është ai i Enis Bardhit, futbollistit që kërkoi të vishej kuqezi, por duke mos u grumbulluar nga Shqipëria veshi fanellën e Maqedonisë. Bradhi është një ndër futbollistët më të mirë të kombëtares maqedonase dhe luan me Levanten në La Liga, ku cilësohet si konkurrenti i vetëm i Messit për goditjet e dënimit.
E shqetësuar nga ky fakt” media sportive “Sport1.mk”, i ka kushtuar një analizë speciale, futbollistëve që kanë “injoruar” përfaqësuesen maqedonase, duke iu bashkuar Shqipërisë.
Ndër ta, katër futbollistë kanë zgjedhur kuqezinjtë, pasi kanë luajtur më herët me ekipet e moshave në Maqedoni. Besir Demiri, Omar Imeri, Jasir Asani, Taulant Seferi, janë katër emrat që lakohen në analizën e medias së shtetit fqinj.
Pengu më i madh për maqedonasit është futbollisti Taulant Seferi. Pavarësisht se Maqedonia i dhuroi gjithçka për ta pasur në përfaqësuese, vetë lojtari e refuzoi ofertën, për të pritur Shqipërinë.
“I është dhuruar gjithçka këtij lojtari, madje iu premtua edhe ekipi A që në moshën 17 vjeç, por ai donte vetëm fqinjët e Shqipërisë”, shkruan“Sport1.mk”.
