Duket se presidenti në detyrë i SHBA, Donald Trump, nuk e pranon akoma humbjen përballë Joe Biden.
Pas shpalljes së Biden si fitues të garës, Trump doli dhe tha në media se duhet të nisë rinumërimi i votave, sepse fituesi kishte manipuluar votat.
Sipas “The Washington Post”, ditën e sotme Donald Trump ka kryer një telefonatë të jashtëzakonshme me sekretarin e shtetit të Xhorxhias, ku i ka kërkuar me patjetër të rinisë llogaritjen e votave.
Së fundmi Trump ka kërkuar që me datë 6 janar të nisin protestat e fuqishme për përmbysje të rezultatit të zgjedhjeve.
Është zgjedhur pikërisht kjo datë, pasi 6 janari është dita kur Kongresi do të mblidhet për të pranuar rezultatet e zgjedhjeve presidenciale.
“Statistikisht është e pamundur që të kem humbur zgjedhjet 2020. Protestë e madhe në D.C. në 6 janar. Ejani atje, do të jetë një protestë e egër!”, ka shkruar Trump në llogarinë e tij personale në Twitter.
