Për mjekët, situata me pandeminë ka qenë tejet intensive dhe me plot të papritura. Jo çdo gjë ka kaluar me qetësi, ndërsa shpesh situata është agravuar kur qytetarët kanë humbur familjarët e tyre. Drejtori i Urgjencës Kombëtare, Skënder Brataj, tregoi sot në emisionin “Shqipëria live” mesazhet e shumta kërcënuese që merr në lidhje me deklaratat e tij për situatën e koronavirusit në vend. Ai tha haptazi se ka marrë mesazhe kërcënuese me jetë, por Brataj tha se s’ka ndërmend të ndalet, për të dhënë mendimin e tij si profesionist i fushës.
“Ka mesazhe; do hash plumbin ballit apo kërcënime, por nuk kam frikë të jap mendimin tim. Në një emision televiziv kishte mjekë, avokatë e politikanë dhe shpreha mendimin tim që një avokat nuk mund të shpjegojë sëmundjen dhe vaksinën se nuk e njeh.
Ky është qëllimi im si profesionist. Kush kalon sëmundjen ka imunitet, por bërja e vaksinës sugjerohet minimum 6 muaj, pasi ke kaluar sëmundjen. Studimet tregojnë se ata që vaksinohen janë 10 herë më të mbrojtur se ata që kanë kaluar sëmundjen dhe nuk vaksinohen”, tha Brataj.
