E hënë, 20 Shtator, 2021
28.5 C
Tirana

“Ditë e bukur dhe e trishtuar”, Rama: Askush s’e ka kuptuar rajonin sa Merkel

Kryeministri Edi Rama, në një konferencë të përbashkët për shtyp me Angela Merkel, tha se sot është një ditë e bukur dhe e trishtuar, pasi përkon me vizitën kancelares gjermane, por edhe me vizitën e saj të fundit që bën në Tiranë. Ai ka vlerësuar kontributin e saj në Ballkanin Perëndimor. Sipas kreut të qeverisë, Merkel do i mungojë Europës dhe veçanërisht Ballkanit Perëndimor, pasi është e vetmja që e ka kuptuar më mirë rajonin dhe i ka kushtuar një vëmendje të madhe.

“Dua të them që kjo është njëkohësisht një ditë e bukur për ne dhe një ditë e trishtuar. Është një ditë e bukur sepse kemi privilegjin të presim në Tiranë, një mike të Ballkanit, të shqiptarëve, të gjithë popujve të këtij rajoni. Një ditë e trishtuar, sepse në njëfarë mënyre kjo është vizita e lamtumirës e Angela Merkel si kancelare e Gjermanisë.

Unë besoj që askush nuk ka bërë për këtë rajon pas kapërcimit të luftës më shumë se sa kancelarja gjermane. Dhe ajo që është akoma më e rëndësishme, sipas meje, është se askush nuk e ka kuptuar këtë rajon më mirë se sa kancelarja gjermane.

Me të është gjithmonë një problem, sepse nuk i ka qejf fjalimet me shumë fjalë të bukura, por njëkohësisht është shumë e sinqertë. Dhe shprehja e fjalëve më të mira lidhur me ç’ka ajo bëri duke iniciuar procesin e Berlinit. Një proces i cili është një vizion largpamës, jo thjesht për të kaluar një fazë disa-vjeçare, por për të parë të ardhmen të gjithë së bashku.

Përtej çdo rezultati konkret, arritja më e madhe është vendosja e një fryme bashkëpunimi, bashkëveprimi dhe e sensit të të ardhmes të përbashkët. Ishte privilegj të ishte në Tiranë, në pamundësi për të vizituar të gjithë vendet.

Lexo edhe :   Pika vaksinimi në Universitete/Rama thirrje studentëve: Vaksinimi i detyrueshëm

Këtu kishim takimet me të gjithë liderët e rajonit. Dua t’i shpreh mirënjohjen në emër të të gjithë shqiptarëve. Nuk po hyj t’i numëroj se janë shumë në aspektin e mbështetjes bilaterale, dhe për atë që kancelarja ka bërë për rajonin.

Nga ana tjetër, duke respektuar faktin që kancelarja është një lider që drejton Gjermaninë prej shumë vitesh, por që asnjëherë nuk ka munguar t’i japë zemër politikës europiane. Është gjermane dhe kohën e ka të shtrenjtë. Oraret i ka të rëndësishme. Dua vetëm të them se sot Ballkani Perëndimor është një vend shumë më i mirë përpara se Angela Merkel të niste procesin e Berlinit.

Lexo edhe :   Kurti lë pas inatet me Ramën dhe e uron për mandatin e tretë

Pavarësisht se do ketë vazhdimësi në politikën gjermane, Angela Merkel do i mungojë këtij rajoni. Të gjithë më shumë besojnë fjalët e saj se fjalët e mia. Është një moment për të gjithë ne, ku jemi të vetëdijshëm qoftë për atë që ka bërë dhe qoftë për atë boshllëk që ka lënë.

Shpresoj që më herët se vonë ky boshllëk të mbushet, pa kancelaren Merkel, Ballkani dhe Europa nuk do ishte njësoj. Kancelarja e cila në detyrën e saj ka pasur impenjime në të gjithë globin, do jetë më e lirë dhe shpresoj që të ketë kohën për t’u rikthyer në Ballkan dhe Shqipëri për të lexuar më afër aktualitetin tonë dhe të shijojë detin dhe natyrën”, tha kryeministri Rama.

- Reklama -

Më shumë nga kategoria




Të fundit

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...

Debati në PD, Basha-Berisha na sjell edhe njëherë debatin për sovranitetin

Nga: Ben Andoni Në Shqipëri është e prerë dhe e menjëherë-pranueshme se nëse e thotë diçka apo e artikulon ambasadori i SHBA-së, atëherë deklarata ka...