Gjykata e shkallë së parë në Tiranë ka lënë në burg 4 nga 17 të arrestuarit e protestës së të shtunës para Kuvendit.
Ndërsa, për 10 protestuesit e tjerë është dhënë masa e sigurisë “detyrim paraqitjeje”.
Në burg janë lënë, Aldi Spaho, Gazmir Bekshiu, Ermir Bruka dhe Pal Daija. Edison Tahiri, Klajdi Poci, Denaldo Buzi, Eduard Buzi, Elidjan Buzi, Florian Zeneli, Jeton Spahiu, Ali Bruci, Kevin Kastrati dhe Flamur Rrahja u lanë me detyrim paraqitje. Pritet të jepet masa dhe për tre protestues të tjerë.
Protestuesit janë arrestuar pasi kanë goditur me sende të forta policinë dhe identifikimi i tyre është bërë nga kamerat e sigurisë.
Ndërkohë, 7 protestues të tjerë vijojnë të jenë në kërkim.
