Ish-ministri i Brendshëm Saimir Tahiri deklaroi te Krimet e Rënda se në kohën që mbante postin e ministrit, i kishte dërguar një shkresë ministres së Mbrojtjes, Mimi Kodhelit, teksa e informonte se nuk punojnë radarët.
“Në cilësinë e ministrit, i jam drejtuar as kohe me shkresën e datës 29/10/2013, (shkresë sekrete) koleges time, ministres Kodheli, duke e informuar se nuk punon radarët”, tha Tahiri në sallën e gjyqit.
Ndërkohë, gazetarja Klodiana Lala ka dhënë detaje nga seanca e sotme, ndërsa ka siguruar dëshminë e Tahirit, që pohoi se në kohën kur ai ishte ministër kishte vënë në dijeni ministren. Mes të tjerash, Tahiri u shpreh lidhur me akuzat që rëndojnë mbi të se nuk kanë logjikë.
“Ai tha: Prokuroria më akuzon për raste të trafikimit në 2013, 2014, 2015.”. Ndërkohë që hetimet, dy hetimet konkrete, ndaj Taulant Haxhirajt dhe Moisi Habiljat kanë nisur në 2016. Tahiri pyeti se si ka mundësi që prokuroria mund të akuzojë atë për sasi droge të kultivuara para se ai të merrte detyrën e ministrit. Sipas Tahirit, prokuroria duhet t’i publikuar faktet qartë dhe mos të thoshte gënjeshtra. Lidhur me akuzën që Tahiri ka favorizuar Habilajt, duke u garantuar atyre mbrojtje, Tahiri e kundërshtoi ashpër këtë fakt. Tahiri tha se Policia e Shtetit në 2/ 10/2013, fill pas episodit të parë kur akuzohet të jetë përfshirë se ka favorizuar Habilajt, kishte dërguar procedim penal ndaj shtetasve Moisi dhe Florian Habilaj për akuzat e heqjes së paligjshme të lirisë. “Si mundet që unë t’i dërgoja ata në procedim për sa kohë i favorizoja në trafikun e drogës?!”, ka thënë Tahiri. Sipas prokurorisë, trafikimi është kryer me një peshkarexhë me emrin Fatima. “Prokuroria”- tha Tahiri, e lë të mjegullt faktin se asokohe janë fikur radarët. Por unë në cilësinë e ministrit, i jam drejtuar as kohe me shkresën e datës 29/10/2013, (shkresë sekrete) koleges time, ministres Kodheli, duke e informuar se nuk punon radarët. Të njëjtën gjë bëri dhe për episodin e radhës Tahiri kur tha se Policia e Shtetit ka proceduar vëllezërit Habilaj. Ata u dërguan sipas sistemit TMS, tha Tahiri, për kontroll. Tahiri në të gjitha përballjet ka ndalë triumfatorë. Nëse gjykata do të kërkojë kohë, atëherë do të na duhet të presim për verdiktin final, për ministrin që Edi Rama dikur e quante ministrin kampion”, deklaroi gazetarja Lala.
Prokuroria e Krimeve të Rënda ka kërkuar 12 vite burg për ish-ministrin e Brendshëm, Saimir Tahiri. Ky i fundit, së bashku me ish-drejtorin e Policisë së Vlorës, Jaeld Çela, akuzohen për tri vepra penale: ‘Trafikimi i narkotikëve’, në bashkëpunim, në formën e grupit të strukturuar kriminal, ‘Grup i strukturuar kriminal’ dhe ‘Kryerja e veprave penale nga organizata kriminale dhe grupi i strukturuar kriminal’.
