Ish zv.kryeministri i Italisë, Matteo Salvini, thotë se ka telefonuar kryeministrin Rama në lidhje me dërgimin e 30 mjekëve dhe infermierëve shqiptarë në Itali.
Përmes një postimi në Twitter, Salvini thotë se e ka falenderuar popullin shqiptar për këtë gjest, teksa shton se populli italian nuk do ta harrojë këtë zemërgjerësi.
“Kam telefonuar kryeministrin Edi Rama për ta falënderuar për këtë gjest të shkëlqyer dashurie për Italinë. Faleminderit popullit shqiptar dhe qeverisë së tij, duke dërguar mjekë dhe infermierë, ata kanë treguar ndjeshmëri dhe zemërgjerësi, që nuk do ta harrojmë”, shkruan Salvini.
Ho telefonato al premier @ediramaal per ringraziarlo di questo splendido gesto di affetto per l’Italia.
Grazie al popolo albanese e al suo governo: inviando medici e infermieri hanno dimostrato una sensibilità e una generosità che non dimenticheremo 🇮🇹🇦🇱 pic.twitter.com/blaCxBF6cE— Matteo Salvini (@matteosalvinimi) March 29, 2020
Më herët ditën e sotme u bë e ditur se 30 mjekë dhe infermierë shqiptarë do të dërgoheshin për të ndihmuar në përballimin e situatës në Itali.
Deri më tani Italia është shteti me më shumë pasoja nga koronavirusi, duke numëruar më shumë se 10 mijë vdekje.
