Këshilli i Lartë i Prokurorisë ditën e sotme ka hapur garën për zgjedhjen e Prokurorit të Përgjithshëm. Ky post aktualisht mbahet nga Prokurorja e Përgjithshme e Përkohshme Arta Marku.
KLP ka miratuar rregulloren mbi kriteret dhe procedurën për përzgjedhjen e kandidatëve për Prokurorë të Përgjithshëm me një mandat kushtetues 7-vjeçar. Përveç kandidimit të Arta Markut, prokurorët e tjerë që priten të garojnë për këtë post janë Olsian Çela, Adnan Xholi dhe Plarent Ndreca.
Lidhur me këto kandidatura, ai që ka reaguar ashpër është ish-kryeministri Sali Berisha. Sipas Berishës, prokurori Olsian Çela është edhe familjar i ish-kryeprokurores Ina Rama.
Berisha ka shtuar se KLP ka vendosur që të përjashtojë nga gara të gjithë kandidatët që nuk kanë mbrojtur doktoraturën. Kjo gjë sipas Berishës është jashtë çdo kriteri ligjor dhe kushtetues.
Reagimi i Sali Berishës:
“Krye, krye kreu i Meduzes, Edvin Kistaq Urrejtja zgjodhi sot zedhenesin e tij ne institucionin e akuzes!
Miq, sot Kunat KLP vendosi per te zgjedhur zedhenesin e Rames per institucionin e akuzes. Per te realizuar kete, Kunat KLP, jashte çdo kriteri ligjor dhe kushtetues, vendosi sot qe te perjashtohen nga gara te gjithe kandidatet per kete post qe nuk kane mbrojtur doktoraturen.
Miq, ky eshte kriter unikal ne bote. Ky kriter akademik vendoset vetem per vendet e hapura per drejtim katedrash apo institucionesh akademike kerkimore shkencore.
Burimet nga Kunat KLP njoftojne se kete kriter e ploteson Kunati ne krye te KLP, ndrikull Ina Rama dhe tezaku i saj Olsi Çela.
Tani emrin e zedhenesit te krye, krye kreut te Meduzes gjejeni vet. sb”
