E hënë, 1 Mars, 2021
7 C
Tirana

Dekreti për zgjerimin në Jon, Meta: S’do lejoj të cënohet interesi kombëtar

Kreu i Shtetit, Ilir Meta, ka reaguar lidhur me miratimin e dekretit për zgjerimin e Greqisë me 12 milje në detin Jon. Meta shprehet se deri në këto momente, nuk ka asnjë njoftim apo kërkesë zyrtare që të sugjerojë ndërprerjen, pezullimin apo përfundimin e procesit të negociatave dypalëshe, nga ekipi negociator apo nga qeveria shqiptare.

Ai shprehet më tej se për çdo zhvillim që lidhet drejtpërdrejt apo ndikon në procesin e negociatave për delimitimin e hapësirës detare ndërmjet dy vendeve, ka kërkuar informacion dhe analizë të plotë të qeverisë shqiptare.

Përmes një dekreti, Greqia ka miratuar zgjerimin me 12 milje në detin Jon. Vendimi i Athinës zyrtare erdhi pas dritës jeshile që Këshilli i Shtetit dha për shtrirjen e ujërave territorial nga 6-12 milje detare në ishujt Jonian dhe Kepin Tenaro në Peloponez.

Reagimi

Duke mirëkuptuar ndjeshmërinë e lartë të opinionit publik shqiptar mbi aktin më të fundit të nxjerrë nga autoritetet më të larta të Republikës së Greqisë dhe pasojat e mundshme të tij ndaj vendit tonë, dëshiroj të evidentoj si vijon:

Në ushtrim të detyrave dhe përgjegjësive të mia dhe në zbatim të vendimit të Gjykatës Kushtetuese Nr.15/2010, kam autorizuar Plotfuqinë për Negocim Nr.733, në emër të Republikës së Shqipërisë, të ekipit negociator me përbërjen e 13 anëtarëve për negocimin e “’Projekt Marrëveshjes ndërmjet Republikës së Shqipërisë dhe Republikës së Greqisë për kufizimin e zonave të tyre detare’, me qëllim saktësimin e Vijës Delimituese të Kufirit Shtetëror Detar dhe delimitimin e Shelfit Kontinental dhe Zonës Ekskluzive Ekonomike midis të dy vendeve””, datë 19.03.2018.

Gjatë gjithë kohës, kam ofruar të gjithë bashkëpunimin në këtë proces, duke siguruar respektimin e vendimit të Gjykatës Kushtetuese.

Lexo edhe :   Greqi, qëllohet me armë zjarri një shqiptar

Deri në këto momente, nuk kam asnjë njoftim apo kërkesë zyrtare, që të sugjerojë ndërprerjen, pezullimin apo përfundimin e procesit të negociatave dypalëshe, nga ekipi negociator apo nga qeveria shqiptare.

Për çdo zhvillim, që lidhet drejtpërdrejt apo ndikon në procesin e negociatave për delimitimin e hapësirës detare ndërmjet dy vendeve, kam kërkuar informacion shterues dhe analizë të plotë të qeverisë shqiptare, sipas përgjegjësive, që i takojnë sipas ligjit.

Lexo edhe :   Greqi, qëllohet me armë zjarri një shqiptar

I rikujtoj edhe një herë përfaqësuesve të institucioneve në të gjithë nivelin hierarkik shtetëror, detyrimin dhe përgjegjësinë për përputhshmërinë e plotë të veprimtarisë së tyre kushtetuese dhe ligjore, në shërbim të interesave shtetërore dhe kombëtare.

I siguroj të gjithë qytetarët shqiptarë se do të vijoj të ushtroj me përgjegjësinë maksimale shtetërore dhe kushtetuese detyrat e mia dhe se nuk do të lejoj për asnjë moment të cenohen interesat shtetërore dhe kombëtare të Republikës së Shqipërisë nga cilido individ, që keqpërdor autoritetin e deleguar nga populli shqiptar.

Sipas traditës së vendosur, pasi të vihem në dijeni të plotë të informacioneve të kërkuara zyrtarisht, do të bëj plotësisht transparent vlerësimet dhe qëndrimet e mia në lidhje me të gjitha zhvillimet ndaj kësaj çështjeje.

- Reklama -

Më shumë nga kategoria




Të fundit

Thirrja e Metës: Të mos guxojë njeri të luajë me votën e popullit shqiptar

Presidenti i Republikës, Ilir Meta lëshoi një thirrje të fortë, duke thënë se askush nuk do guxojë për të prekur votat e qytetarëve shqiptarë...

Meta ngre tonet: Kush shet votën sa një dele s’ka të drejtë të kërkojë llogari

Presidenti i Republikës, Ilir Meta tha se vetëm zgjedhjet e lira dhe të ndershme të 25 prillit bëjnë që të çelen negociatat e Shqipërisë...

Meta: Kush vjedh një votë do ia pres dorën, qoftë Monikës, Bashës apo Ramës

Presidenti i Republikës, Ilir Meta ka folur me tone të ashpra për zgjedhjet parlamentare të 25 prillit. I ftuiar në emisionin ''Frontline''' në ''News24'', Meta...

Meta: Nëse Rama merr 71 mandate pa prekur votën, do jap dorëheqjen si President

Presidenti i Republikës, Ilir Meta, ka paralajmëruar dorëheqjen e tij në këtë post, nëse sipas tij, kryeministri Edi Rama merr 71 mandate më 25...

A do të ketë një 2-Mars tjetër? Ja si përgjigjet Presidenti Meta

Presidenti i Republikës, Ilir Meta, ka folur në lidhje me manifestimin e 2 marsit të vitit 2020. I ftuar në emisionin ‘Frontiline’,  Meta tha...