E enjte, 20 Janar, 2022
-3.5 C
Tirana

Dekreti ‘për bashkëqeverisjen’, PS rrëzon Metën

Një ditë më parë, Komisioni i Ligjeve rrëzoi dekretin e kreut të shtetit, Ilir Meta, për kthimin e projektligjit “Për bashkëqeverisjen”. Më 30 nëntor të këtij viti, presidenti Meta ktheu për rishqyrtim në Kuvend ligjin “Për Bashkëqeverisjen”, pasi sipas tij, shkel Kushtetutën dhe autonominë e pushtetit vendor. Por dje mazhoranca socialiste, e pranishme në Komisionin e Ligjeve, ka rrëzuar dekretin e Metës. Ky dekret mori vetëm 3 vota pro dhe 11 kundër, ndërsa pritet t’i shkojë Kuvendit për t’u votuar.

Para se të rrëzohej dekreti, deputetët e Partisë Socialiste dhe përfaqësuesit e qeverisë janë përplasur me përfaqësuesit e Presidencës. Fillimisht ka qenë këshilltari ligjor i presidentit Meta, Bledar Dervishaj, i cili në Komision sqaroi se problemi i këtij projektligji është mbivendosja e kompetencave dhe centralizimi i pushtetit.

“Krijimi i një agjencie të re, në varësi të kryeministrit nuk përputhet me rolin, misionin, dhe detyrat e administratës shtetërore. Një tjetër problem është mbivendosja e kompetencave, centralizimin e pushtetit. Një tjetër problematikë ka të bëjë me parashikimet e ligjit për të ruajtur autonominë e pushtetit vendor. Agjencia për dialog mund të marrë edhe kompetenca për pushtetin vendor. Një parashikim i tillë bie ndesh me decentralizimin e pushtetit vendor”, deklaroi Dervishaj.

Në kundërpërgjigje, Ministrja e Shtetit për Marrëdhëniet me Parlamentin, Elisa Spiropali, e cila është edhe nismëtare e këtij ligji, tha se bëhet fjalë për mekanizma komplementare dhe jo zëvendësuese me institucionet e tjera. “Ligji nuk bie ndesh me ligjin për ndërmjetësin, sepse nuk trajton statusin dhe të drejtat e ndërmjetësve. Kontrolli që do kryejë agjencia, nuk ndërhyn në procedurë apo përmbajtje në kontrollet e institucioneve të tjera”, deklaroi Spiropali.

Lexo edhe :   Zbulohet data e caktuar nga Meta për zgjedhjet e pjesshme vendore
- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...