E hënë, 24 Janar, 2022
-3.5 C
Tirana

Koka në mbrojtje nga avokati i Fatos Nanos/Rama: PS s’do bëhet avokate e askujt

Ish-ministri i Mjedisit Lefter Koka, pritet të dalë sot në orën 11:15 minuta para gjykatës për vlerësimin e masës së sigurisë “Arrest në burg”, dhënë në mungesë nga Gjykata e Posaçme dy ditë më parë. Ish-ministri do të ketë mundësinë të parashtrojë pretendimet e tij për akuzat e “Shpërdorimit të detyrës”, “Korrupsionit” dhe “Pastrimit të parave” të ngritura nga SPAK.

Prokuroria thotë se Ministria e Mjedisit nën drejtimin e Kokës, nuk ka kryer veprimet e plota përgatitore për dhënien e koncensionit. SPAK ka konstatuar se është aplikuar procedura me negocim pa shpallje paraprake, kur këtë gjë e përjashton ligji.

Në kërkim për këtë dosje mbeten dy biznesmenët Stela Gugallja dhe Klodian Zoto që akuzohen se kanë lëshuar fatura fiktive me vlerë 3.6 milionë euro, për punime që nuk janë kryer asnjëherë në inceneratorin e Elbasanit.

Një ditë më parë u raportua se Koka nuk do të paraqitet në seancën gjyqësore, për arsye që ende nuk dihen, por në sallë do të paraqitet vetëm avokati i tij. Ish-ministri i Mjedisit ka zgjedhur të mbrohet nga avokati Fatmir Braka, i cili njihet edhe si avokati i ish-kryeministrit Fatos Nano. Braka ka refuzuar t’u përgjigjet pyetjeve të gazetarëve pas daljes nga takimi që ka pasur me Kokën në Drejtorinë e Policisë në Tiranë, duke ia lënë gjithçka në dorë vetë të akuzuarit.

Kryeministri Edi Rama ka reaguar dje për herë të parë pas arrestimit të ish-ministrit të Mjedisit, Lefter Koka, sa i takon çështjes së inceneratorëve. Rama ka reaguar në rrjetet sociale, duke iu përgjigjur komentit të një qytetari për këtë çështje. Më tej ai ka deklaruar se pavarësisht hetimeve të SPAK, investimet janë aty, duke shtuar se arrestimi i Kokës nuk i bën fare përshtypje. Po ashtu ai u shpreh se rasti i Kokës është rast personal i tij.

Lexo edhe :   Probleme me zemrën, Lefter Koka transferohet në spitalin e burgut

“Syrja Islami halle halle kjo dynja halli hallit nuk i ngja thotë populli. Por që t’i përgjigjem thelbit të komentit tënd, edhe impiantet moderne të përpunimit të mbetjeve, që i kanë hapur rrugën e shpëtimit afatgjatë nga ndotja e rëndë e plehrave zonës së Elbasanit, Tiranës e Fierit gjithashtu, edhe Reforma në Drejtësi po se po, janë vepra të shumicës sonë qeverisë për të cilat unë jam e do të jem gjithnjë krenar, kështu që euforia baltosëse e atyre që bëjnë politike me akuza e me moton shpif e shpif se diçka do mbetet, për arsye të ndalimit dje nga SPAKU të ish-ministrit të mjedisit, nuk më bën asnjë përshtypje, sepse nga njëra anë investimi në Elbasan është aty, në sytë e të gjithëve e në bazë të kontratës tanimë ai është pronë publike e bashkisë së Elbasanit që do të shërbejë për të vazhduar mbrojtjen e zonës nga ndotja, ndërsa nga ana tjetër çështja e ish-ministrit me SPAK-un dhe drejtësinë, nuk është as çështje politike, as çështje partiake, as çështje kolektive, po çështje individuale. Ne nuk e kemi udhëhequr dhe nuk e mbështesim pa kushte Reformën në Drejtësi, si palë politike po si forcë udhëheqëse politike e morale e shqiptareve pa dallim, kështu që për mua e për Partine Socialiste mbetet e pandryshuar vija e kuqe e ditës së pare në detyrë: Cilidoqoftë, pa dallim partie duhet të përballet vetë me drejtësinë! Dhe cilindoqoftë nder ne, që merret si i pandehur nga organet e pavarura të drejtësisë, duhet të ballafaqohet me drejtësinë bashke me avokatin e vet, sepse Partia Socialiste nuk është zyrë avokatie e askujt prej nesh dhe deri në vendimin përfundimtar gjyqësor, askush nder ne që ka punë me drejtësinë nuk mund të jetë pjese e familjes sonë politike. Kaq”, shkruan Rama.

Lexo edhe :   Probleme me zemrën, Lefter Koka transferohet në spitalin e burgut
- Reklama -

Më shumë nga kategoria




Të fundit

Mungonin avokatët, GJKKO shtyn seancën ndaj Fatos Tushes

Gjykata Kundër Korrupsionit dhe Krimit të Organizuar ka shtyrë në datën 2 shkurt seancën në ngarkim të Fatos Tushes, ish-kryetarit të Bashkisë Lushnje dhe...

Rama: Presidentin e ri do ta zgjedhim ne, do i kthejmë dinjitetin asaj zyre

Kryeministri Rama tha sot në mbledhjen e Grupit Parlamentar, se Partia Socialiste do të nisë punën për zgjedhjen e Presidentit të ri të Republikës...

Mbyllja e shkollave për 3 ditë/Aktivistët: Ministrja bën meteorologen

Për tre ditë, shkollat do jenë të mbyllura për shkak të motit të acartë. Lidhur me këtë vendim, aktivistë të Qëndresës Qytetare kanë protestuar...

“E mbyllim në shkurt”/Rama mbledh Grupin Parlamentar të PS, ja çfarë do ndodhë

Në mbledhjen e Grupit Parlamentar, kreu i qeverisë Edi Rama iu është drejtuar socialistëve të angazhohen seriozisht në procesin e këshillimit kombëtar. Ai vuri...

Basha: Berisha po vë interesat e tij personale mbi ato të demokratëve!

Në Shqipëri zgjedhjet e pjesshme, të parakohshme lokale, më 6 mars, për të zëvendësuar kryetarët e gjashtë bashkive, që iu ka mbaruar mandati, priten...