Politikë

Deklaratat e Iranit për Shqipërinë/ Duma: Irani nuk ka fuqi aktesh terroriste


               Publikuar në : 18:55 - 09/01/20 B H

Ish-deputetja e PD-së, Grida Duma është shprehur se shqiptarët nuk duhet të kenë frikë nga ndonjë sulm i mundshëm i Iranit.

E ftuar në  rubrikën “Opinion” në News24, Duma tha se regjimi iranian nuk ka fuqi aktesh terroriste.

“Akti i marrjes së muxhahedinëve në Shqipëri është një akt humanitar dhe politik i qartë, si dhe strategjik, pasi ne jemi përkrah SHBA. Nëse ka një gjë që Shqipëria e ka bërë mirë është strehimi i muxhahedinëve”.

Sipas saj, deklaratat e bëra nga Irani se Shqipëria është një vend ‘djallëzor’ janë vetëm deklarata politike, teksa thekson se Irani ka një sistem autokratik.

“Irani ose bazat që u goditën pas vrasjes së gjeneralit ishte tërësisht një lëvizje e Iranit për të mos humbur fytyrën. Irani donte të thoshte se shiko se edhe ne mund të reagojmë. Është shumë me vend ajo që thotë Trump, se Irani nuk ka fituar asnjë luftë, por ka fituar marrëveshje. Irani nuk ka fuqi aktesh terroriste. Nuk duhet pasur panik për ndonjë sulm nga Irani për veprim të logjikës terroriste. Të gjithë ata që merren me diplomaci, e dinë se me Iranin mund të veprohet me shkop të një ushtrie”, tha ajo.


Kthehu
WhatsApp Denonco ne TT