Parlamenti britanik ka votuar ditën e sotme me shumicë dërrmuese pro marrëveshjes për daljen e Britanisë nga BE.
Mediat vendase bëjnë me dije se 330 votuan pro Brexit, ndërsa 231 kundër kësaj marrëveshjeje.
Marrin fund kështu grindjet politike të 3 viteve, që pas referendumit të Brexit të vitit 2016. Mbretëria e Bashkuar do të dalë nga Bashkimi Evropian këtë muaj pas më shumë se katër dekadave anëtare.
Votimi i ditës së sotme në parlament ishte në kontrast të ashpër me trazirën, që mbizotëroi politikën britanike vitin e kaluar, e cila përfshinte dorëheqjen e ish-kryeministres Theresa May.