Ish-kryeministri Sali Berisha, ka dhënë provat sot se ka tejkaluar çdo fantazi, teksa ka postuar një video nga shembja e hotelit në Durrës, me shpërthim të komanduar nga ana e forcave xheniere.
Bashkëngjitur një videoje të cilën e ka postuar në Facebook, ai ka shkruar: “Shembje me shpërthim në Durrës, degjohet një klithmë. Duket mbuluan njeri në rrenoja? Tmerr!!!”.
Sot u shemb me tritol hoteli 6-katësh në zonën e plazhit në Durrës. Shpërthimi erdhi pas 4 orëve punë të forcave xheniere. Godina u dëmtua rëndë nga tërmeti i fuqishëm i 26 nëntorit, ndaj u shemb me shpërthim të kontrolluar. Para shpërthimit janë evakuuar banorët larg perimetrit të sigurisë.
IKMT-ja ka realizuar një shpërthim të kontrolluar, me qëllim që të mos pësonin dëmtime godinat përreth.
Po kështu, shembja u realizua pa u shkaktuar incidente, dhe shkoi sipas parashikimit të ekspertëve të xhenios.
