Këngëtarja me origjinë shqiptare Eleni Foureira këndoi në finalen e “Festivalit të Këngës”, duke na dhuruar një performancë të shkëlqyer. Pak para nisjes së festivalit, regjisorja Vera Grabocka i ka mësuar Elenit një këngë të njohur shqiptare. Ajo ka ndarë me ndjekësit e saj një video, ku Eleni këndon.
“E dashuroj energjinë e saj”, shkruan Vera krah kësaj videoje.
Këngëtarja dhuroi spektakël, por spektakli i vërtetë ishte kur ajo foli në shqip dhe përshëndeti dy gjyshërit që jetojnë në Vlorë. “Nëna e gjyshi që janë tani në Vlorë e më shikojnë mua: Ju dua shumë nëna dhe gjyshi, ju puth”, u shpreh Eleni.
