Kryetarja e Këshillit të Lartë, Mirela Bogdani iu është përgjigjur pyetjeve të deputetit demokrat Xhelal Mziu lidhur me sigurinë në gjykata dhe prokurori.
Bogdani ka përmendur se KLP në bashkëpunim me KLGJ është duke hetuar strategji për sigurinë në institucionet e drejtësisë.
Për pjesën e infrastructures, ajo u shpreh se pritet të ketë diskutime në një mbledhje të përbashkët në dhjetor të këtij viti.
“Është duke u punuar që mbledhja e përbashkët me KLGJ të adresojë në mënyrë të dedikuar këtë çështje. Është një mbledhje që do zhvillohet në dhjetor 2025.”- tha Bogdani.
Ndërkaq, një nga pyetjet e deputetit Mziu merrte shkasë nga tragjedia e gjykatësitë Astrit Kalasë, duke risjell çështjen e sigurisë së prokurorëve dhe familjeve të tyre.
Gjë për të cilën kryetarja e KLP tha se lidhur me çdo ankesë nga trupat gjykuese do të kalojnë në shqyrtimin e një komisioni të brendshëm në Këshillin e Lartë.
Mirela Bogdani e ka përfunduar përgjigjen e saj duke përmendur shifra të prokurorëve që kanë bërë ankesa në vitin 2024 dhe 2025, të cilat janë miratuar nga komisioni i mbrojtjes së prokurorëve.
“Besoj është e njohur tashmë fakti që brenda Këshillit funksionon një komision, i cili është komisioni për mbrojtjen e prokurorëve. I krijuar me një vendim të Këshillit të Ministrave.
Është një iniciativë për të targetuar mbrojtjen e plotë të prokurorëve.
Në 2024 kanë qenë 11 prokurorë që kanë bërë kërkesa dhe u është miratuar. Kërkesa për të patur mbrojtje të plotë dhe iu është miratuar.
Deri tani për vitin 2025, janë shtatë të tillë.”- ka deklaruar në Kuvend.
