Kryeministri Rama ka prezantuar masat e reja ndëshkuese ndaj personave abuzues në këto ditë karantinimi. Ai ka paralajmëruar burg për këdo që marrin në makinë pensionistët. Po kështu, një paralajmëmërim të fortë ka edhe ndaj atyre që i cilëson si trimat e lagjes.
Këta persona të cilët nuk pyesin për ligj, por hapin lokalet në lagje. Ndonëse janë vendosur gjoba, historia e hapjes së këtyre biznesve nuk ka të ndalur. Kryeministri tha se këta biznesmenë janë fare pak, por mjaftueshëm për të shkaktuar dëm.
“Atëherë, masat lehtësuese që ne duam të marrim, kanë të bëjnë me aktivitetet e lejuara. Por marrja në makinë e personave të tjerë, familjarë, do të ndëshkohet me disa vite, dhe do të caktohet, të heqjes së lejes së drejtimit, të sekuestrimit të makinës dhe të heqjes së lirisë.
Marrja në makinë e një pensionisti do të ndëshkohet me heqje lirie, dhe me sekuestrim e heqjes së lejes së drejtimit. Do të hapim orarin për të bërë pazaret, do të shtojmë edhe 90 minuta.
Kryerja me automjet privat e pazarit do të jetë e mundur, por me sanksione të forta, heqje lirie, heqje patente dhe sekuestrim makine. Kemi parë fenomenin e shëmtuar të hapjes së lokaleve nëpër lagje, për trimat e lagjes. Kemi vënë gjoba, prapë vazhdon historia. Janë shumë pak, por janë mjaftueshëm për të na bërë një dëm shumë të madh. Hapja e aktivitetit të ndaluar do të dënohet me heqje lirie”, deklaroi Rama.
