Grida Duma e ka pranuar edhe më herët se nuk ndihet aspak në siklet që të marrë bukë me vete. Siç duket, marrja e bukës me vete dhe përgatitja me plot dashuri e kujdes është çelësi i suksesit të linjave të saj perfekte. Nëse doni të dini se me çfarë e merr bukën ish-deputetja e PD-së, edhe ju do surprizoheni, pasi nuk ka aspak shpenzime.
Ermal Mamaqi: A është e vërtetë që ti merr bukë me vete?
Grida Duma: Po, është e vërtetë. Unë prindërit i kam prej 20 vitesh në New York, dhe sa herë dëgjohem me nënën time më thotë: “Merr bukë me vete, sepse siç e bën ti, nuk e bën askush dhe kur të dhemb stomaku ha pak”. Nuk është çështja nëse kemi apo s’kemi para për të blerë një sanduiç, është çështja që të përgatisësh diçka vetë dhe të mos shkatërrosh stomakun, sepse mund të dalë një punë dhe s’mund të ulesh diku për të ngrënë.
Ermal Mamaqi: Me çfarë e merr bukën?
Grida Duma: Shumë e thjeshtë. Unë përdor bukën e zezë, pak vaj ulliri, filadelfia sepse nuk e përdor gjalpin, pak djathë, vezë, domate. Këto janë produktet dhe janë për stomakun perfekt, tha ajo në emisionin “Xing me Ermalin” në “Tv Klan”.
Ermal Mamaqi: Dhe keni një trup si të Grida Dumës…
