Puthja e Borës me Donaldin në “Big Brother”, ishte fokusi i mediave rozë. Një skenë e tillë si nëpër filma, mori vemendjen e duhur. Kjo skenë diskutohet ende, e madje dje opinionisti Arjan Konomi, e ka ngacmuar Borën pas puthjes që dhanë në shtëpinë më të famshme në Shqipëri.
“Ishin shumë emocione të bukura realisht. Ka qenë fundi i javës shumë emocionues. Ajo dalja në “Big Brother”, ku u përcollën mesazhe të forta dashurie e nuk është e rëndësishme që këto mesazhe të jenë vetëm për partnerin, por dhe për shoqen e ngushtë. Në fakt, megjithëse u bë historia publike, po ndaj diçka tjetër. Mua nuk mu mbyll e premtja aty. Gjatë bisedës me Semin, përmendëm shoqen tonë tjetër të ngushtë Aulona, e cila po priste bebin të vinte gjatë kësaj jave. Nga emocionet e forta i filluan dhimbjet e lindjes që atë natë, dhe atë mbrëmje isha me të”.
Arjani e ngacmoi moderatoren nëse ishte ky një pajtim, dhe Bora tha se ka shumë pikëpyetje. Ai gjithashtu e përgëzoi për atë që bëri për Semin, dhe për surprizën.
“Kam shumë pikëpyetje. Nuk di as vetë o Arjan se ç’ndodhi! Deri diku e prisja që do ngacmohesha, lidhur me këtë pjesë, por nuk e mendoja kurrë që do arrinte në atë pikë. Mos më ngacmo akoma, se nuk i kam shumë përgjigje”.
