Binjakët e spektaklit të humorit “Al Pazar”, nuk ngurojnë të pranojnë se kanë patur oferta të ndryshme për tu larguar në një ambient tjetër. Aktorët e dashur për publikun shqiptarë, teksa kanë qënë të ftuar në emisionin “Thumb” me Fatmën dhe Aulonën, kanë folur për jetën personale dhe profesionin. Po kështu, ata nuk kanë hezituar të thonë se kanë pasur shumë oferta për tu larguar nga spektakli, por për momentin, një gjë e tillë nuk do të ndodhë.
“Oferta kemi pasur, por vendosëm që të rrimë në shtëpinë tonë, sepse aty ndihemi rehat. Unë aty jam në shtëpinë time. Jemi mësuar të shkojmë me qejf. Plus kemi një projekt të ri që është pak shpejt ta tregojmë”, ka rrëfyer Romeo.
Do dilni dhe ju si kolegët tuaj më vete?’, ka pyetur Fatma.
Vëllezërit kanë zbuluar se nuk do të jetë një spektakël humori, por diçka më ndryshe.
“Po, pak a shumë. E kemi menduar mirë. Nuk do të jetë spektakël humori, do jetë diçka ndryshe. Ne e kemi menduar gjithmonë veten përkrah njëri-tjetrit. Kemi njëri-tjetrin që jemi këtu, ku jemi sot. Jemi shumë unikë tek kjo pjesa. Nuk e themi me mburrje, por nuk ndahemi”, tregojnë dy aktorët.
