I shoqëruar nga Klevis Balliu, Tritan Shehu, Flamur Noka, Edmond Spaho, Gent Strazimiri, Floriana Garo etj, ish-kryeministri Berisha është rikthyer në selinë e Partisë Demokratike. Berisha tha se Basha po e mbyll karrierën e tij politike, në vend që ti nënshtrohet sipas tij, vullnetit të delegatëve të Kuvendit të mbledhur prej tij.
“Prej disa ditësh, shqiptarët po përjetojnë, po ndjekin në mënyrë të pabesueshme zhvillime të denja si për romanet e Franc Kafkës apo të realizmit fantastik të Garsia Markezit. Skenat e një njeriu i cili kalon nga skandali në skandal, nga aktet e turpshme në akte të tjera po kaq të turpshme.
Një njeriu që dëshmon se nuk i ka mbetur qoftë dhe një grimcë më e vogël e integritetit moral dhe politik, e integritetit qytetar.
A mundet kush të imagjinonte se një ish-lider i ri do të mbyllte karrierën e tij politike në vend të nënshtrimit të verdiktit të 44 mijë anëtarëve të partisë së tij, në blindimin dhe shtrimin në bunker burgu të selisë së PD, bllokimin e saj, bllokimin e hyrjeve në këtë seli për deputetë të PD-së. Mbushjen e kësaj selie me kriminelë delinkuentë që rëndojnë mbi shpatullat e tyre vrasje njerëzish”.
