Ish-kryeministri Sali Berisha votoi sot për shkarkimin e Lulzim Bashës si kryetar i PD-së. Ai ka hedhur votën e tij të fshehtë në një prej kutive, ndërsa ka përshëndetur edhe me dy gishta.
Sakaq, në një prononcim për mediat, deputeti i PD-së Edi Paloka u shpreh se Kuvendi mori sot vendimet e tij, dhe se të gjithë kanë detyrimin për t’i zbatuar ato.
Pyetjes nëse do të shkojnë për të marrë selinë, Paloka tha se ata nuk marrin asgjë me dhunë. “Nëse selinë e PD-së kanë frikë nga demokratët, ky është fundi. Ne nuk marrim asgjë me dhunë”, u shpreh Paloka.
Më herët delegatët votuan shkarkimin e Sekretarit të Përgjithshëm të PD-së, Gazment Bardhi si edhe të tre nënkryetarëve; Jorida Tabaku, Grida Duma dhe Enkelejd Alibeaj.
