E premte, 10 Prill, 2020
20 C
Tirana

“BE do të përfshijë Shqipërinë në iniciativat e saj në përgjigje të pandemisë COVID-19”

loading...

Komisioni Evropian ka publikuar letrën që Komisioneri për Zgjerimin, Oliver Varhelyi i ka dërguar Kryeministrit Edi Rama lidhur me mbështetjen që Bashkimi Evropian i dha Shqipërisë për të kaluar krizën COVID-19.

Më letrën e siguruar nga Eunews.al, Varhelyi shprehet se BE po studion mënyrat e përfshirjes së Shqipërisë në ‘iniciativat që BE po ndërmerr në përgjigje të pandemisë COVID-19, apo sesi të mbështesë më mirë në lehtësimin e ndikimit të tij socio-ekonomik”.

Në letër komisioneri, Varhelyi adreson edhe çështjen e qytetarëve shqiptarë, të cilët për shkak të COVID-19 nuk mund të kthehen në Shqipëri, duke rrezikuar tejkalimin e periudhës së lejuar të qëndrimit.

“Komisioni është në diskutime me vendet anëtare për të gjetur një zgjidhje në lidhje me këtë çështje”, shkruan Varhelyi.

Ashtu siç e deklaroi edhe ambasadori i BE në Shqipëri, Luigi Soreca, në drejtim të mbështetjes financiare, Varhelyi ka udhëzuar disbursimin e 50 milion eurove, të cilat janë shpërndarë në tre drejtime kryesore:

4 milion € për pajisje të menjëhershme dhe mbështetje shëndetësore

11 milion€ për mbrojtje sociale

35 milion € për rikuperim ekonomik.

Në lidhje me qarkullimin e mallrave thelbësore në rajonin e Ballkanit Perëndimor, Komisioneri për Zgjerimin nënvizon mbështetjen e krijimit të ‘kanalit jeshil” të qarkullimit të mallrave midis BE-së dhe rajonit por bën thirrje “ për bashkëpunim të plotë dhe të veproni si një rajon i vetëm, sepse vetëm nëpërmjet një bashkëpunimi të ngushtë dhe solidaritetit një sfidë e kësaj madhësie mund të tejkalohet”.

Në mbyllje të letrës Varlehyi rithekson se ‘kjo është një situate e cila evoluon me shpejtësi dhe ne na duhet të përshtatemi në varësi të situatës” dhe se do jemi më të forte në përfundim të krizës nëse bashkëpunojmë./Eunews.al

- Reklama -
loading...

Më shumë nga kategoria



Të fundit

Paketa e ndihmës financiare e FSHF, ja kush do të përfitojë 300 mijë lekë të vjetër si shpërblim

Nëpërmjet një vendimi të bërë publik ditën e djeshme, Komiteti Ekzekutiv i Federatës Shqiptare të Futbollit, vendosi të mbështesë futbollin shqiptar në një periudhë...

Humb betejën me koronavirusin, shkon në 24 numri i viktimave

Një person tjetër ka humbur betejën me koronavirusin në vend. Tashmë ka shkuar në 24 numri i viktimave nga COVID-19 në Shqipëri. Paraditen e sotme...

Seanca e ardhshme e Kuvendit do mbahet në 16 prill

Përpos masave lehtësuese që do aplikohen nga e hëna lidhur me situatën nga koronavirusi, raportohet se edhe Kuvendi do të nisë punimet. Seanca e radhës...

“Me rregulla të forta sigurie”/ Rama lehtëson masat, ja çfarë pritet të ndodhë nga e hëna

Përpos ndryshimit të fashës së orarit deri në orën 17:30 për shërbimet ushqimore, farmaceutike dhe bankare, Rama njofton edhe për planin e riatdhesimit. Duke nisur...

Dëmtim i rëndë në gju, Elis Bakaj drejt operimit. Ja sa rrezikon të qëndrojë jashtë fushave

Ishte duke kaluar një sezon fantastik në Bjellorusi, teksa së fundmi u transferua te kampiponët e Brest, por Elis Bakaj ka qenë i pafat. Në...
Kthehu
WhatsApp KONTAKTO TT