Politikë

Basha takon banorët e prekur nga tërmeti në Bubq dhe Rranxë të Krujës


               Publikuar në : 14:39 - 05/12/19 L M

Kryedemokrati Lulzim Basha ka shkuar sot në fshatrat Borizanë, Bubq dhe Rrënxë të Krujës, ku u takua me banorët e prekur nga tërmeti i 26 nëntorit. Ku shumë banesa janë dëmtuar, e për rrjedhojë familjet në këto fshatra nuk kanë ku të strehohen.

Një prej banorëve të prekur deklaroi se Basha është i pari që i ka vizituar që pas fatkeqësisë që goditi vendin një javë më parë.

“Kanë ardhur punonjës të Bashkisë dhe jo specialistë”, thonë ata, duke shtuar se shtëpitë e tyre u dëmtuan që në 21 shtator.

Ndërkohë, kreu i PD-së bëri thirrje që inxhinierë të specializuar duhet menjëherë të vlerësojnë gjendjen në Borizanë, në mënyrë që të jepet një zgjidhje për familjet.

“Gjëja e parë që duhet është të vlerësohet dëmi dhe të jepet zgjidhje. Në bazë të dëmit të ndahen paratë për rindërtim. Kemi ardhur për të ndihmuar me ç’të mundemi. Do bëjmë gjithçka për t’ju ndihmuar. Do të ngremë zërin që shteti të ndërhyjë”, tha Basha.

Kthehu
WhatsApp Denonco ne TT