Kryetari i PD-së Lulzim Basha ditën e sotme ka zhvilluar një takim me Ministren e Jashtme të Suedisë Ann Linde.
Përmes një postimi në rrjetin social Facebook, Basha bën me dije se i ka shprehur asaj mirënjohjen “për mbështetjen që Suedia i jep Shqipërisë në rrugën e anëtarësimit në BE”.
Postimi i plotë i Bashës: “Sot pata kënaqësinë të bisedoja me Ministren e Jashtme të Suedisë Ann Linde, të cilës i shpreha mirënjohje për mbështetjen që Suedia i jep Shqipërisë në rrugën e anëtarësimit në BE.
Angazhimi ynë është të kontribuojmë për të plotësuar kushtet e Bundestag. Miratimi sa më parë i reformës zgjedhore, zgjedhjet e lira dhe të ndershme, ndarja e politikës nga krimi, vënia para drejtësisë e atyre që manipulojnë zgjedhjet, nxjerrja e sistemit të drejtësisë nga ndikimi politik dhe hetimi i korrupsionit në nivele të larta, janë rruga e vetme që do të përshpejtojë hapjen e negociatave të Shqipërisë me BE”.
Gjithashtu mund të lexoni:
“Lulzim Basha në rrezik”, ministri Lleshaj takohet me shoqëruesin e kreu të PD-së
