Kreu i opozitës, Lulzim Basha ka zhvilluar ditën e sotme një takim me banorët e prekur nga tërmeti i 26 nëntorit në Shkozet.
Banorët e zonës janë shfaqur të revoltuar, pasi sipas tyre edhe pse godina e tyre ka marrë dëme të shumta por bashkia, pa bërë vlerësim me ekspertizë, u ka thënë të futen brenda
Nga ana tjetër, Basha kritikoi qeverinë pasi nuk ka akoma gati faturën e dëmeve. Ai vazhdon me akuzat ndaj qeverisë, teksa shprehet se kjo e fundit ka lëvruar 150 milionë dollarë për oligarkët nga buxheti i shtetit, ndërsa për njerëzit e thjeshtë pret donatorët.
“Nuk ka asnjë ndryshim, ka dy muaj. As vlerësim të dëmeve, dhe as faturën e dëmeve. Kemi vetëm llafe dhe vetëm propagandë. Jam shumë i shqetësuar, sepse kjo po fillon të futet në dimensionin e tretë të krizës. E para shëndeti i të sëmurëve, të moshuarve dhe të fëmijëve, e dyta gjendja e biznesi për të cilën dua të njihem realisht se çfarë po ndodh dhe impaktin që ka në ekonominë e Durrësit dhe e treta, ndërkohë që fillon viti buxhetor, lëvrohen 150 milionë dollarë për oligarkët, ndërsa për njerëzit presin konferencën e donatorëve për të dhënë bonuset e qerasë dhe për të dëmshpërblyer shtëpitë”, tha Basha.
