Kryetari i PD-së Lulzim Basha, zhvilloi sot një bashkëbisedim me disa nga studentët e mjekësisë ku diskutuan për probleme të ndryshme që janë të pranishme në sektorin e shëndetësisë në vendin tonë.
Një nga temat kryesore që u diskutua ishte largimi i të rinjve nga Shqipëria drejt Europës. Ata u shprehën se një problem kryesor për këtë çështje, është se nuk paguhen gjatë periudhës se specializimit që zgjat me vite.
Çështje të tjera po aq të rëndësishme që u shtruan nga të rinjtë, ishin edhe mungesa e kushteve dhe laboratorëve për të zhvilluar praktikat.
Kjo për shkak se fakultetet ia kanë kaluar klinikave private zhvillimin e praktikës.
Duke dëgjuar problemet që shprehën studentët, kreu i opozitës tha se me ardhjen në qeveri të Partisë Demokratike, shumë probleme do marrin zgjidhje, edhe do stabilizojë nivelin e shpërblimit për mjekët dhe infermierët që për momentin është në gjendje të mjerueshme.
