Kreu i Grupit të Partisë Socialiste, Taulant Balla, ka komentuar raportin e Komisionit të Venecias në lidhje me kërkesën e PS-së për shkarkimin e presidentit Meta.
Balla u shpreh se ka dëgjuar shumë sulme ndaj këtij komisioni, teksa sipas tij, kur Komisioni i Venecias flet, të gjithë duhet të heshtin. Më tej, numri 2 i PS-së thumboi në mënyrë indirekte Ilir Metën se duhet të mbajë fjalën për t’u larguar nga posti i Presidentit.
“Komisioni i Venecias është organi ekspertiza e gjithëpranuar në Evropë, por edhe më gjerë. Kur Komisioni i Venecias flet të gjithë të tjerët duhet të heshtin.
Të gjithë duhet ta presim me respekt verdiktin final të Komisionit të Venecias, kush u zotua për dorëheqje, duhet të m bajë fjalën”, deklaroi Balla.
I pyetur në lidhje me datën 13 tetor, datë e cila është dekretuar nga Presidenti si data e zgjedhjeve të reja vendore, Balla tha se atë ditë do të përkrahë kombëtaren shqiptare dhe fituesit e Maratonës së Tiranës.
