E enjte, 21 Tetor, 2021
8.5 C
Tirana

“Aty ju gjeta, aty do ju lë”, Rama: Dukeni si mbeturina të Partisë së Punës

Seanca e sotme parlamentare nisi me një debat të ashpër mes kryedemokratit Lulzim Basha dhe Ministres së Shëndetësisë, Ogerta Manastirliu. Basha ripërsëriti akuzën se qeveria ka fshehur viktimat e COVID-19. Kaq mjaftoi që të nxeheshin gjakrat, ndërsa Manastirliu ia ktheu se opozita nuk ka bërë gjë tjetër këto 18 muaj, veçse “duke hequr vallen e vdekjes”.

Sa i takon akuzave për rritje të çmimeve si pasojë e keqmenaxhimit, sipas tyre, të situatës nga qeveria, kryeministri Edi Rama tha se opozita është shndërruar në “mbeturina të Partisë së Punës”.

Kryeministri është përfshirë në replika me deputetët e opozitës, të cilët ngritën zërin pasi Rama i quajti konceptet e tyre ‘mbeturina të sistemit të vjetër’. Rama kërkoi që opozita të respektonte fjalën e tij dhe të mos ndërhynin, duke thënë se nëse nuk bëhej ‘një marrëveshje e tillë’ që kush flet të dëgjohet, ai mund të ikë nga salla.

Për kryeministrin Rama, qëndrimi i opozitës për çështjen e rritjes së çmimeve në vend i bën ata të duken si mbeturina të sistemit komunist.

“Keni 8 vite që përsëritni të njëjtën gjë, duke marrë të njëjtin rezultat. Nuk ju shpëton transferimi i përgjegjësisë përmes sajesave për masakra elektorale. Aty ju kam gjetur, aty do ju lë nëse vazhdoni të përsëritni të njëjtat gjëra, duke i marrë shqiptarët për budallenj.

Dje në Samitin e Bashkimit Evropian me Ballkanin Perëndimor, të gjithë kryefjalën e shqetësimit kishin çfarë mund të bëjmë së bashku, siç bëmë me pandeminë për të përballuar fortunën e krizës energjetike. Ju i thoni shqiptarëve që Shqipëria nuk ka lidhje me çmimet ndërkombëtare. Del Shqipëria në treg, për të blerë energji apo jo?

Lexo edhe :   Manjani nxjerr prapaskenat, çfarë mund të ndodhë në PD

Ju i thoni shqiptarëve që fatura e energjisë është më e lartë në rajon, që është totalisht e pavërtetë. Fatura e energjisë dhe të gjitha faturat në sistemin që kemi zgjedhur dhe për të cilin ju me të drejtë jeni krenarë që ishit pararoja, kemi vendosur të kalojmë në lirinë e tregut kapitalist dhe rritja e çmimeve në bursë nuk pyet as se Spanja ka më shumë, as se Shqipëria ka më pak. Ju, partia e qendrës së djathtë, ju partia e liberalizimit të tregut, dukeni si mbeturina të Partisë së Punës nga mënyra si flisni. Konceptet tuaja janë mbeturina të sistemit të vjetër”, u shpreh Rama.

Lexo edhe :   Ndryshimet kushtetuese, Rama: I hapur për diskutime, por jo me pasqyra
- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...