Gazetari i njohur investigativ Artan Hoxha thotë se policia ka arrestuar 4 persona të dyshuar si autorët e atentatit të dështuar ndaj biznesmenit Andon Dhima, javën e kaluar. Ai ka zbardhur disa detaje lidhur me këtë ngjarje.
Gazetari zbulon se blutë e Tiranës kanë identifikuar personat e dyshuar, si autorë të ngjarjes së datës 15 tetor. Nga hetimet paraprake rezulton se atentati ndaj biznesmenit është kryer nga 4 persona. Dy nga të arrestuarit kanë qenë autorët. Të arrestuarit janë përfshirë më parë edhe në ngjarje të tjera me rrezikshmëri të theksuar kriminale.
Statusi
Arrestohen kater persona te dyshuar si autoret e atentatit te deshtuar ndaj biznesmenit Andon Dhima te enjten e kaluar.
Pas nje hetimi te shpejte, me ndihmen dhe te pamjeve filmike, policia e kryeqytetit ka identifikuar personat e dyshuar si autore te ngjarjes se dates 15 tetor 2020, ne hyrjen e pallatit perballe stadiumit “Dinamo”.
Nga hetimi ka rezultuar se te njejtet persona, jane perfshire me pare edhe ne ngjarje te tjera me rrezikshmeri te theksuar kriminale.
Nisur nga sensibiliteti i ngjarjes, policia e kryeqytetit ka kryer nje pune operative profesionale, e cila ka çuar ne identifikimin e autoreve.
Gjate oreve te vona te mbremjes se 20 tetorit, policia ka organizuar njekohesisht dy aksione paralele, qe kane synuar arrestimin e autoreve dhe gjetjen e provave materiale per zbulimin e ngjarjes.
Si rezultat jane arrestuar dy persona ne zonen e Brrylit dhe dy te tjere ne zonen e mozaikut te Tiranes.
Nga hetimet paraprake rezulton se atentati i deshtuar ndaj biznesmenit Andon Dhima eshte kryer nga 4 persona, dy nga te arrestuarit kane qene autoret, ashtu si duken nga pamjet filmike te transmetuara diten e shtune nga ABC Neës.
Ndersa dy te tjere kane qene ne rolin e bashkepunetorit dhe ndihmesit.
Gjate aksionot policia ka ushtruar kontroll ne banesat e te arrestuareve, ku ka sekuestruar ne cilesine e proves materiale, arme zjarri dhe maska te perdorura edhe ne ngjarje te tjera.
Gjate dites se sotme pritet qe policia te publikoje identitetin e personave te arrestuar dhe detaje te tjera mbi hetimin e ngjarjes.
https://www.facebook.com/artan.hoxha.900/posts/3335256533178658
Në sajë të operacionit të koduar “Stuhia” u bë kapja dhe prangosja e dy autorëve të dyshuar të kësaj ngjarje, konkretisht G. L., 45 vjeç, banues në Tiranë, i dënuar më parë me 6 vite burgim, për vjedhje me armë në Gjermani, dhe A. H. 35 vjeç, banues në Tiranë, i dënuar më parë për plagosje me armë.
Po në kuadër të operacionit u bë e mundur të identifikohen dhe të ndalohen dhe dy bashkëpunëtorët në këtë ngjarje, shtetasit M. M., 30 vjeç dhe E. H., 26 vjeç, i dënuar më parë me 4 vite e 9 muaj, për “Prodhimi dhe shitja e lëndëve narkotike”.
Strukturat hetimore të Komisariatit të Policisë Nr. 2 në Tiranë, menjëherë pas marrjes së kallëzimit nga shtetasi Andon Dhima, i cili ka treguar se dy persona të maskuar dhe të armatosur e kanë ndjekur deri në hyrje të pallatit, me qëllim për ta eliminuar atë, menjëherë kanë organizuar punën për zbardhjen e ngjarjes.
Njoftimi i policisë
Tiranë
Finalizohet operacioni policor i koduar “Stuhia”.
Operacioni nga Komisariati i Policisë Nr. 2, në bashkëpunim me strukturat hetimore të DVP-së, nën drejtimin e Prokurorisë së Rrethit Gjyqësor Tiranë.
Zbardhet tentativa për vrasjen e 51-vjeçarit, në rrugën “Muhamet Gjollesha”.
Identifikohen, kapen dhe vihen në pranga dy autorët që ndoqën 51-vjeçarin, për ta vrarë. Autorët me precedent të theksuar kriminal për vjedhje me armë dhe plagosje.
Në pranga edhe dy bashkëpunëtorët e autorëve, njëri prej tyre me precedent kriminal në fushën e narkotikëve.
Sekuestrohet arma e zjarrit me të cilën autorët do kryenin krimin, automjeti me të cilin u larguan, maskat e përdorura për të mos u identifikuar, rroba policie e prova të tjera që shërbyen për dokumentimin e ngjarjes.
Strukturat hetimore të Komisariatit të Policisë Nr. 2 në Tiranë, menjëherë pas marrjes së kallëzimit nga shtetasi A. Dh., i cili ka treguar se mbrëmjen e datës 15.10.2020, në rrugën “Muhamet Gjollesha”, dy persona të maskuar dhe të armatosur e kanë ndjekur deri në hyrje në hyrje të pallatit, me qëllim për ta eliminuar atë, menjëherë kanë organizuar punën në bashkëpunim me Prokurorinë e Rrethit Gjyqësor Tiranë dhe strukturat hetimore të DVP Tiranë, për zbardhjen e ngjarjes, identifikimin dhe kapjen e autorëve.
Si rezultat i një pune intensive hetimore dhe profesionale të bërë nga këto struktura, u bë i mundur sigurimi i provave që çuan në zbardhjen e ngjarjes dhe identifikimin e autorëve.
Mbi bazën e provave të siguruara nga Komisariati i Policisë Nr. 2 u organizua dhe finalizua operacioni policor i koduar “Stuhia”, në kuadër të të cilit u bë kapja dhe prangosja e dy autorëve të dyshuar të kësaj ngjarjeje, konkretisht: G. L., 45 vjeç, banues në Tiranë, i dënuar më parë me 6 vite burgim, për vjedhje me armë në Gjermani, dhe A. H. 35 vjeç, banues në Tiranë, i dënuar më parë për plagosje me armë. Po në kuadër të operacionit u bë e mundur të identifikohen dhe të ndalohen dhe dy bashkëpunëtorët në këtë ngjarje, shtetasit M. M., 30 vjeç dhe E. H., 26 vjeç, i dënuar më parë me 4 vite e 9 muaj, për “Prodhimi dhe shitja e lëndëve narkotike”.
Nga veprimet e para hetimore dhe procedurale u gjetën dhe u sekuestruan në cilësinë e provave materiale: një armë zjarri pistoletë dhe municion luftarak, mjeti në pronësi te shtetasit A. H., që dyshohet se është përdorur gjatë ngjarjes, veshjet e përdorura nga autorët, një shkop hekuri policie nga ato me hapje, një palë pranga, 6 telefona celular, rroba uniforme policie dhe kamuflazhi e prova të tjera materiale.
Materialet do t’i kalojnë Prokurorisë së Rrethit Gjyqësor Tiranë, për veprime të mëtejshme, për veprat penale “Vrasja” e mbetur në tentativë, e kryer në bashkëpunim, “Prodhimi dhe mbajtja pa leje e armëve të zjarrit dhe armëve të ftohta” dhe “Mbajtja pa të drejtë e uniformës”.
