Kreu i qeverisë Edi Rama, e ka nisur ditën me një premtim të madh. Teksa ka shpërndarë në rrjetin social Facebook pamjet nga shtëpia e re e familjes Lana, e rindërtuar pas tërmetit të 26 nëntorit të vitit të kaluar, ai premton se askush nuk do të mbetet vetëm përballë çdo pabesie.
“MIRËMËNGJES
me shtëpinë e re të familjes Lana, rindërtuar pas tërmetit të 26 nëntorit dhe duke ju siguruar se askush nuk do mbetet vetëm përballë çdo pabesie, ju uroj një javë të mbarë”, shkruan kryeministri Rama.
Muaj më parë, kryeministri Rama ka deklaruar se plani i rindërtimit as nuk do shtyhej e as nuk do ndryshonte, pavarësisht situatës së pandemisë. Nga ana tjetër, Partia Demokratike akuzon qeverisë se po e përdor fatkeqësinë e tërmetit të 26 nëntorit 2019 për të vjedhur dhe për zgjedhje. Sipas PD-së, 1 vit pas tërmetit ka shumë premtime, por pak rezultate nga ana e qeverisë.
