I ftuar në emisionin ”Pika mbi i” në ”News 24”, gazetari dhe analisti Artur Zheji foli mbi situatën politike në vend dhe shkarkimin e Presidentit të Republikës.
Zheji u shpreh se Rama dëshiron të eleminojë Metën e Berishën nga sfondi politik. Ai e ka lojë politike diçka të tillë.
Sipas Zhejit këto janë dy figurat që Rama sulmon pasi Lulzim Bashën ai e sheh si partner potencial në politikë.
Artur Zheji: “Kjo që ndodhi ishte dhënë nga Rama si premtim para-elektoral. Rama tha se subjekti armik është LSI dhe personi armik Meta, ndërsa Basha konsiderohet partner potencial e lëshoi të gjitha bateritë kundër Metës dhe Berishës. Nuk është çudi që u zgjua tani çështja e Gërdecit. Rama dëshiron të eleminojë Metën e Berishën nga sfondi politik. Ai e ka lojë politike diçka të tillë. Rama do t’ju jap ushqim të tijve, duke iu thënë se unë përballem me këdo në skenën politike.”
