Një turist nga Kosova ka dhënë disa detaje në një intervistë për ‘Klan Kosova’, lidhur me faktin që u vodh teksa po pushonte në Durrës.
Mensur Hyseni pretendon se jo vetëm që është shpërfillur nga policia, por është kërcënuar prej tyre, duke e detyruar të firmosë një dokument, ku pranonte se e ka gjetur telefonin e humbur.
“Mendohuni mirë ku e leni lënë telefonin. Nëse del kallëzim i rremë, atëherë do të shkoni në burg”, dëgjohet duke thënë polici.
Rastin e ka denoncuar edhe tek autoritetet në Kosovë, të cilat e kanë njoftuar se do t’ia referojnë çështjen policisë së Shqipërisë.
Për ngjarjen reagoi Drejtori i Përgjithshëm i Policisë, Ardi Veliu, duke marrë masën disiplinore të pezullimit nga puna për policin, protagonist të kërcënimit.
Drejtori i Përgjithshëm i Policisë së Shtetit ka pezulluar nga detyra punonjësin e Policisë së Komisariatit të Policisë Durrës, për komunikim jo etik me pushuesin nga Kosova.
I vodhën telefonat, pezullohet polici që e kërcënoi me burg turistin kosovar (video)
