Të gjithë ata qytetarë që janë prekur nga tërmeti i 26 nëntorit dhe kanë një kontratë për sigurimin e banesës a pronës nga katastrofat natyrore, njoftohen të kontaktojnë shoqërinë e sigurimit.
Autoriteti i Mbikëqyrjes Financiare thekson se pasi të keni njoftuar ndodhjen e ngjarjes së siguruar, një ekspert i shoqërisë së sigurimit do paraqitet në pronën e dëmtuar, në mënyrë për të evidentuar dëmet.
Në njoftim thuhet që të bëni kujdes që kontaktimi të kryhet brenda afateve të përcaktuara në kontratën e sigurimit.
Ju mund të kontaktoni shoqërinë e sigurimit të adresën e selisë qendrore apo në zyrat që ajo ka në rrethin ku ndodheni për të njoftuar dëmtimet e ndodhura në banesën apo pronën tuaj, si dhe për t’u informuar me detaje në lidhje me procedurat dhe afatet e trajtimit të kërkesave për dëmshpërblim.
Çdo shoqëri sigurimi ka një faqe zyrtare interneti, ku ka të publikuar adresat dhe mënyrat e kontaktit. Lista me shoqëritë e sigurimit të Jo-Jetës, të cilat ushtrojnë veprimtari në Republikën e Shqipërisë me adresat përkatëse gjendet edhe në faqen e internetit të AMF-së https://amf.gov.al/ts_shoqeri_sigurimi.asp
Nëse keni marrë një kredi bankare Ju mund të kontaktoni dhe bankën për t’u informuar nëse keni siguruar banesën apo pronën Tuaj, si dhe për të kërkuar asistencën që iu nevojitet.
Autoriteti i Mbikëqyrjes Financiare për çdo asistencë, problematikë apo ankesë vendos në dispozicion linjat e komunikimit si më poshtë:
Autoriteti i Mbikëqyrjes Financiare
Adresa: Rruga “Dora D’istria” Nr. 10, P.O. Box 8363, Tiranë, Albania
Numri i gjelbër: 0 800 69 69
Telefon: + 355 – (0) – 4 – 2257560
Email: [email protected]
Facebook: ëëë.facebook.com/AlbaniaAMF/
Regjistri online i ankesave: https://crm.amf.gov.al/
Denonco ne TT