E hënë, 16 Maj, 2022
27.5 C
Tirana

Amerikanët njohin vetëm Bashën kryetar, paralajmërojnë “non grata” për të tjerë

SHBA mbeten të vendosur për të mbështetur kryedemokratin Basha, në betejën e tij kundër ish-kryeministrit Sali Berisha.

Duke komentuar zhvillimet e brendshme në selinë blu, ambasadorja e SHBA-së në Tiranë, Yuri Kim, deklaroi dje gjatë një prononcimi për mediat se Uashingtoni njeh vetëm Bashën kryetar të PD-së, ndërsa shtoi se do të takohet me këtë të fundit, pavarësisht tentativës së Berishës për ta rrëzuar atë nga drejtimi i Partisë Demokratike.

Ambasadorja amerikane në Tiranë, Yuri Kim, ka paralajmëruar se në Shqipëri mund të ketë shpallje të tjera “non grata” nga Departamenti Amerikan i Shtetit. Sipas saj, Shtetet e Bashkuara të Amerikës janë të vendosura për të mbështetur Shqipërinë në luftën kundër korrupsionit, sikundër një nga masat është ndalimi i hyrjes për në SHBA të të gjithë pushtetarëve të korruptuar.

Çfarë ndodh në marrëdhënien tuaj me PD-në, nëse ish-kryeministri Sali Berisha merr drejtimin e saj?

Ambasadorja Yuri Kim: Nuk do të angazhohemi me askënd që është shpallur nga Sekretari i Shtetit. Kjo është një politikë për mbarë botën, dhe nuk ka fare të bëjë me individët, por politika e përgjithshme është që nuk mund të imagjinojmë një skenar ku unë apo ndonjë nga pasardhësit e mi të pretendojmë se çdo gjë shkon mirë dhe të shkojmë për kafe me dikë që është shpallur nga Sekretari i Shtetit për korrupsion madhor. Nuk ka për të ndodhur.

A e mbështet SHBA-ja kryetarin e PD-së, Lulzim Basha?

Ambasadorja Yuri Kim: Njohim personin e zgjedhur rregullisht si kryetar i asaj partie dhe unë do të vazhdoj të shkoj ta takoj z. Basha në cilësinë e tij si kryetar i partisë. Siç e patë, ligjvënësit dhe vizitorët e tjerë nga Uashingtoni do të bëjnë të njëjtën gjë.

A do të kemi shpallje të tjera non-grata? A do të përfshihen edhe ndëshkimet nga Departamenti i Thesarit?

Ambasadorja Yuri Kim: Kemi një numër mjetesh në dispozicion të Qeverisë së Shteteve të Bashkuara- shpalljet nga Departamenti i Shtetit, shpalljet nga Departamenti i Thesarit, si dhe të tjera. Ndaj, të shohim. Është proces shumë i mbyllur, pra shumë konfidencial dhe nuk kam ndonjë informacion që mund ta ndaj me ju këtë moment.

- Reklama -

Më shumë nga kategoria




Të fundit

Strategjia detare 2035

NGA GJENERAL PIRO AHMETAJ Shqipëria jonë është e bekuar me mbi 450 km vijë bregdetare, ndërsa hapësira e interesave detare (det i brendshëm dhe territorial)...

Deklaratat për SPAK/ Hajdari: Politika të qëndrojë larg drejtësisë, “peshqit e mëdhenj” janë në rrjetë

Në daljet e fundit për mediat, kryeministri Rama është shprehur se po pret me padurim që SPAK-u të godasë nga të katër anët. Duket...

Plagoset ish kandidati për kreun e PS-së, ngjarja në lokalin e reperit të njohur

Ish-kandidati për kreun e Partisë Socialiste në Durrës, Ardit Kërtusha, është plagosur me armë zjarri mesditën e sotme. Ngjarja ka ndodhur në një lokal në...

Gazeta austriake zbulon skandalin e madh, stafi i Metës vihet në lëvizje. Ja çfarë do ndodhë

Presidenca ka reaguar pas artikullit në gazetën austriake "Kronen Zeitung", duke i cilësuar si shpifje dhe gënjeshtra të fabrikuara. Reagimi është përcjellë nga ana...

SPAK mes PD dhe PS

Dikur PD e drejtuar nga Lulzim Basha nuk besonte te SPAK, por më pas jo vetëm depozitoi disa denoncime por kërkoi i pari që...