E diel, 28 Nëntor, 2021
13.5 C
Tirana

Haklaj: Në 2017 ka pasur skenar për të vrarë Bashën, Berisha ishte në dijeni!

Ish-deputeti i PD-së dhe ish-kryetari i PD-së në Tropojë, Azgan Haklaj, ka dhënë një deklaratë të fortë dje në emisionin “Repolitix”. Ai zbuloi se në vitin 2017, ka pasur një skenar për të vrarë Lulzim Bashën, dhe për këtë akt, ish-kryeministri Sali Berisha ka qenë në dijeni. Haklaj risolli në vëmendje se në kohën e çadrës ka pasur skenar për vrasjen e Bashës. Haklaj tha se ulja e Bashës me Ramën në 2017, shmangu luftën civile në vend. Ndërsa sa i takon “Foltores” së Berishës, Haklaj thotë se ai po mbledh gjithë ato që janë anti-amerikanë në rajon.

“Berisha e nisi “Foltoren” për të uzurpuar PD-në. Ka bërë “grusht shteti”, pasi po uzurpon opozitën. Do të mbledhë të gjithë ato që janë anti-amerikanë në rajon. Keni parë ndonjë deklaratë të Berishës, t’u bëj thirrje deputetëve shqiptare të parlamentit të Maqedonisë së Veriut? Se po del si patriot i madh. Të kthehemi në vitin 2017, kur kishim zgjedhje, kishim të njëjtin skenar. Arrestimi i Haradinajt në Francë, vrasja e mbetur në tentativë e Ali Ahmetit në Maqedoninë e Veriut dhe grushtin e shtetit në Malin e Zi. Si dhe vrasja e mbetur në tentativë në 2017 e Lulzim Bashës.

Në kohën e çadrës, ka pasur një skenar, vetë Berisha ka qenë në dijeni. Ulja e Bashës me Ramën në 2017, shmangu luftën civile që mund të ndodhte në vend. Luftën civile e donin struktura të tjera. Basha e shmangu këtë problem shumë të madh, që ishte një problem i trazimit shqiptar”, u shpreh më tej Haklaj.

Ish-kryeministri Berisha po lufton fort që të rikthehet pas 8 vitesh në krye të PD-së. Sakaq, SHBA-të do të shpallin të padëshiruar PD-në, nëse në krye të saj vendoset Sali Berisha. Ambasadorja amerikane Yuri Kim, ka dhënë dje një intervistë në “Top Channel”, ku e bëri të qartë se asnjë zyrtar amerikan nuk mund të ketë kontakte me një parti, në krye të së cilës është një person “non grata”.

Lexo edhe :   Aksident i qëllimshëm ndaj ish-kryeministrit Berisha? Ja ç’thotë truproja
Lexo edhe :   Berisha: Jo parti të re. Kuvendi ka të drejtë të shkarkojë Bashën

Ambasadorja e bëri edhe një herë të qartë se DASH ka shumë prova për korrupsionin e Berishës. Ish-kryeministri pretendon se nuk ka asnjë fakt, por ambasadorja ia bëri të qartë dhe një herë se ai është kërcënim për sigurinë kombëtare!

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...