Pas refuzimit për t’i pritur në zyrë dhe për mos zbatim të vendimit të Gjykatës Kushtetuese për Teatrin Kombëtar, Aleanca për Mbrojtjen e Teatrit ka depozituar një padi penale ndaj Ministres së Kulturës, Elva Margariti.
Përfaqësuesit e Aleancës kanë paralajmëruar vendosje të disa çadrave, në shenjë proteste përpara godinës së SPAK, derisa të jepet një përgjigje ndaj padive që ato kanë depozituar për çështjen e Teatrit Kombëtar.
“SPAK duhet të lëvizi, pasi në të kundërtën do të na ketë ditë e natë këtu”, tha Edmond Budina.
Situata u agravua në 28 korrik, ku përfaqësuesit e Aleancës kërkuan një takim me Ministren e Kulturës, por ato nuk u lejuan, duke pasur edhe tensione mes palëve.
